Base Camp

BaseCamp_frontBase Camp æfingakerfið settum við saman til að hjálpa fólki að byrja í Boot Camp sem taldi sig ekki vera í nægilega góðu formi fyrir það. Eins og annað hjá okkur, erum við stöðugt að þróa og bæta námskeiðin og nú er svo komið að Base Camp námskeiðið er okkar næstfjölmennasta námskeið. Bæði hentar það þeim sem eru að byrja nýir hjá okkur en einnig eru æfingarnar það góðar og skemmtilegar að stór kjarni kýs að vera í því æfingakerfi fremur heldur en Boot Camp.

Æfingarnar eru settar upp með ólíkar þarfir fólks í huga. Það er sama þjálfunar- og hugmyndafræði að baki æfingunum og í Boot Camp en uppsetning þeirra og framkvæmd er talsvert öðruvísi. Í Base Camp er mikið unnið með allar grunnhreyfingar sem við framkvæmum með eigin líkamsþyngd s.s. armbeygjur og hnébeygjur þar sem áherslan er á að auka færni og styrk í gegnum alla hreyfinguna. Hver og einn getur farið í gegnum æfinguna á þeim hraða sem hann kýs og því ættu allir að fá jafn mikið út úr æfingunni. Þeir Boot Camparar sem hafa mætt á Base Camp æfingar hafa haft orð á því að þær séu ekkert léttari því hver og einn stýrir sínu álagi að miklu leyti.

Það er frábær stemning í Base Camp hópunum og því skiljanlegt að margir noti þær ekki sem stökkpall eitthvað lengra heldur sem æfingakerfi til að stunda til frambúðar.

Sumartilboð Base Camp: æfðu með okkur fram til 1. september fyrir aðeins 29.990kr!

Heimilisfang
Sporthúsið Dalsmára 9, 200 Kópavogi
Sími
564 4050