Skæruliðar

Um kerfið

Boot Camp Skæruliðar er líkamsrækt fyrir krakka og unglinga sem hafa gaman af því að ögra sjálfum sér. Það geta allir verið með óháð því í hvaða formi þeir eru því æfingarnar eru settar upp þannig að allir fá að svitna og hafa gaman. Við vinnum með alla þætti líkamlegrar hreysti og þegar veður er gott þá æfum við bæði inni og úti.

Ef þú ert að leita eftir einhverju eða öllu af eftirfarandi þá eru Boot Camp Skæruliðar klárlega eitthvað fyrir þig:

  • Þjálfa líkamann á fjölbreyttan hátt og komast í gott form
  • Setja þér markmið og vinna að því að ná þeim
  • Að gera meira en þú vissir að þú gætir
  • Að ná árangri og hafa gaman
  • Að kynnast hressum og öflugum jafnöldrum

Þjálfarar gefa ráðleggingar um ýmislegt sem tengist heilbrigðum lífsstíl sem ávallt er hægt að leita til. Vertu með í kröftugum og fjörugum æfingum og tilheyrðu þessum flotta hópi!

Skæruliðar 1 (8.-10. bekkur)

Elsti hópurinn okkar er með þrjár æfingar á viku, 45 mínútur í senn. Þetta er fjölbreyttur hópur unglinga á aldrinum 13-16 ára sem æfa Boot Camp ýmist eitt og sér, eða samhliða öðrum íþróttagreinum. Engar tvær æfingar eru eins svo þau fá að upplifa fjölbreytni og skemmtun á æfingum á sama tíma og þau byggja upp grunnstyrk og hreyfifærni sem skilar sér yfir í aðra þætti lífsins. Við erum afskaplega stolt af þessum hóp og höfum byggt upp fjölda hraustra einstaklinga sem veigra sér ekki við hvers kyns áskorunum!

Æfingarnar eru á þriðjudögum og fimmtudögum kl.16:30-17:15 og á föstudögum kl.15:30-16:15.

Komdu í frían prufutíma og sjáðu hversu skemmtilegt þetta er!

Skæruliðar 2 (5.-7. bekkur)

Tvisvar sinnum í viku mætir yngri aldurshópurinn til okkar, en það eru 10-12 ára krakkar. Tvær skemmtilegar æfingar á viku er flott líkamsrækt fyrir þennan aldur en þá er hægt að stunda aðrar íþróttir og tómstundir samhliða þessum fjörugu æfingum. Á þessum aldri vilja krakkarnir finna það sem þau hafa raunverulega áhuga á og hugmyndafræðin okkar skilar ekki aðeins líkamlega hraustum krökkum heldur einnig andlega sterkum!

Æfingarnar eru á þriðjudögum og fimmtudögum kl.15:30-16:15.

Komdu í frían prufutíma og sjáðu hversu skemmtilegt þetta er!

Heimilisfang
Sporthúsið Dalsmára 9, 200 Kópavogi
Sími
564 4050